11 rečenica koje svaki roditelj mora da kaže djetetu ako želi da ono izraste u dobru osobu
“Ako želite da vam djeca ispadnu kako treba, trošite na njih duplo više vremena i duplo manje novca”
Roditeljstvo se definitivno promijenilo tokom proteklih nekoliko decenija, ali vrijednosti koje bi trebalo da prenesemo djeci su i dalje iste.
Zamislite koliko bi svijet bio drugačiji ako bismo svu djecu naučili poniznosti, dobroti, saosjećajnosti, velikodušnosti, strpljenju, poštovanju i prihvatanju.
Zato je važno da vašoj djeci usadite pozitivne vrijednosti koje će im pomoći da izrastu u dobre ljude.
Ovih 11 rečenica će promijeniti život vašeg djeteta:
1. Uvijek pomaži drugima
Davanje je mnogo važnije nego uzimanje jer je osmijeh na licu osobe kojoj ste pomogli je vrijedniji od svakog najnovijeg telefona ili igračke.
2. Cijeni male stvari u životu
Naučite djecu odmalena važnim stvarima i to će pamtiti do kraja života. Na ovaj način kasnije neće juriti pogrešne stvari misleći da će im one donijeti prihvatanje i sreću i uvijek će znati da odvoje trenutak u danu da cijene ono što imaju.
3. Nikada ne pristaj na manje od onoga što zaslužuješ
Naučite djecu da u životu idu za stvarima koje žele i da nikada ne odustaju. Naučite ih da idu za stvarima koje ih usrećuju, čak iako to drugima nema puno smisla.
4. Budi zahvalan/na za svaki dan i sve što imaš
Naučite djecu da budu zahvalna za sve što u životu imaju i da ne žude za stvarima koje im zaista nisu potrebne.
5. Dobrota je najveći poklon koji neko može da da
Naučite djecu da budu dobra prema svakoj osobi koju upoznaju, čak iako je u pitanju samo uzvraćanje osmijeha, pomaganje nekome oko stvari, pa čak i držanje otvorenih vrata drugim ljudima. Ljudima je svaki dan potrebna pomoć, a možemo da im pomognemo samo ako nam je srce otvoreno.
6. Odnosi se prema svakome sa dužnim poštovanjem – čak iako se ne slažete
Naučite djecu da se prema svima odnose sa dužnim poštovanjem, čak i kada sa tim ljudima nemaju ništa zajedničko.
7. Uvijek prati svoje srce
Bez obzira na to šta im svijet poručuje, samo oni znaju pravi odgovor. Naučite ih da određene odgovore traže unutar njih samih jer će ih srce odvesti tamo gdje žele da budu.
8. Ne dozvoli drugima da ti ukradu radost
Naučite djecu da njihovo mišljenje o njima samima znači mnogo više od mišljenja koje imaju drugi o njima jer ne znaju njihovu priču. Možda neće uvijek moći da kontrolišu situaciju, ali mogu da određuju kako će se prema njima odnositi.
9. Postaješ ono što misliš
Naučite ih da uvijek gledaju svijetlu stranu stvari i život neće izgledati toliko opasno i užasno.
10. Ne plaši se da praviš greške
Kada se jedna vrata zatvore, druga se otvore. Naučite svoje dijete da su greške zdrave i ključan dio onoga što nas čini ljudima. Najvažnije je da svaki put kada naprave grešku – nešto nauče iz nje.
11. Odnosi se prema svijetu kao prema svom domu
Zemlja je njihov dom i zato ih naučite da ne bacaju đubre svuda oko sebe, da uzimaju samo ono što im treba i odnose se prema planeti sa dobrotom i poštovanjem koje zaslužuje.
Izvor: telegraf.rs
